主kap我ê心靈筵席

描述

書介

作者高英男長老自小在教會長大，參與教會許多服事，擔任執事、長老後，就有更多機會參與司禮、司會、祈禱等等服事。本書是高長老整理他在教會服事中會用到的祈禱文，用的是台語漢羅，希望能幫助同樣參與這些服事的人。

 

 

 

目錄

司禮ê祈禱文(1-58)……………………….13

司獻ê祈禱文(59-89)……………………..139

領詩ê祈禱文(90-98)……………………..171

節期ê祈禱文(99-102)…………………….183

愛餐ê祈禱文(103-131)……………………189

家庭ê祈禱文(132-137)……………………219

婚禮ê祈禱文(138-139)……………………231

祈禱會ê祈禱文(140-146)………………….239

探訪ê祈禱文(147-150)……………………247

喪禮ê祈禱文(151-156)……………………253

附錄

聖經人物七言詩………………………….267

索引…………………………………..287

 

 

序

祈禱，就是kap 上帝講話，親像囝仔kap 老爸講話一樣。有sai-nai、有求討、有感謝、有謳咾、

有宣召、有悔改、有憢疑、有立志、講心事、相phò-tāu……無所不至。雖然上帝攏知影，總是祈

禱猶原重要，祈禱是你kap 上帝尚親密ê 時刻。

我自細漢佇教會大漢，不知大家有按呢ê 經驗– 無？就是佇教會若是講著欲請mó͘-mí-lâng 祈

禱，叫著ê 人，心內攏會膽膽，尤其是用台語來祈禱ê 時，閣卡緊張。當教會ê 長執、服事ê 同工、團契會長面對主日禮拜、告別式、結婚式、家庭禮拜ê 司禮、司獻、主理……等等ê 服事ê 時，攏

需要備辦祈禱，現此時網路頂面ê 祈禱詞，一般攏是華語ê 卡濟，台語ê 祈禱詞真少，閣卡增加備辦祈禱ê 無方便。我kā 此幾年來佇教會服事ê 祈禱，小寡kā 做一個整理，希望會當將家己小小ê 心力，提供互大家做參考，期待會當對教會長執、服事ê同工有所幫助。我ê 祈禱詞是「逐字稿」，真簡單，真平常，無花俏，唸起來不khê-khê。因為我個人感覺，用聖經頂面上帝ê 話來祈禱是尚ha̍h-su、尚理想、尚sù-sī–ê，所以我祈禱詞ê 內容、大綱攏是用聖經、聖詩頂面上帝ê 話來表現。祈禱詞(文)內面對上帝ê 稱呼：「上帝」、「耶和華」、「上主」、「神」、「天父」、「阿爸父」等等，讀者攏會當照個人ê 慣勢、意愛，來自由運用，無限定講一定著要用什麼稱呼，來稱呼咱ê 上帝。

腓立比書4:6 講，「一概莫得掛慮；獨獨萬事tio̍h 用祈禱懇求kap 感謝，將恁所求ê 排列佇上帝。」願上帝藉著此本冊，會當帶互大家佇備辦祈禱ê 時，有事半功倍ê 效果，mā 享受佇祈禱ê 喜樂

當中，互咱kap 上帝ê 關係愈來愈好，享受佇上帝ê 恩典ê 美妙。祝福大家生活有力，行路有光，心神得著上帝ê 潤澤、飽足，上帝保守恁一切在伍。

願上帝ê 榮光閣再榮光！感謝大家。

高英男